पब्जी भनेपछि हुरुक्कै नहुने अहिले सायदै कम छन् । अहिलेका धेरै मानिसमाझ लोकप्रिय शब्द हो पब्जी । पब्जी भनेको एउटा भिडियो गेम हो । यसको पूरा रुप प्लेअर अननोन ब्याटल ग्राउन्डस हो, जुन इन्टरनेटको माध्यमबाट मात्र खेल्न सकिन्छ । यो गेम विश्वमा करिब हरेक दिन २ करोड व्यक्तिले खेल्ने गर्छन् ।

अहिले पब्जी गेम भनेपछि कामधन्दा छाड्नेहरु पनि धेरै छन् । लेखपढ गर्न छाड्ने पनि छन् । यस्तो लाग्छ, उनीहरुको सपना विपना पब्जी नै हो । नेपालमा सरकारले पब्जी खेलमाथी रोक लगाउने प्रयास गरेपनि यतिवेला भने सामाजिक सञ्जालमा एक भिडियो निकै नै भाईरल बनिरहेको छ । भाईरल भिडियोले मानिष खेलप्रति कति आकर्षित छन भन्ने अनुमान सजिलै लगाउन सकिन्छ ।

भिडियो बिवाह समारोहमा लिईएको हो जहाँ दुलाह र दुलहीको साथमा बिवाह समारोहमा थुप्रै शुभ चिन्तकहरु उपस्थित रहेका देखिन्छन । तर दुलाहले जन्ती र बिवाहलाई नै वेवास्ता गर्दे आफु पब्जी खेल्नमा नै व्यस्त रहेको भिडियोले अहिले चर्चा पाईरहेको हो ।

भिडियोका अनुसार दुलहीलाई वेवास्ता गर्दे र शुभ चिन्तकले दिन खोजेका कोसेलीहरुलाई पनि नकार्दे उक्त दुलाह पब्जी खेललाई नै निरन्तरता दिई रहेका देखिन्छन । सायद उनले आफु दुलाह भएको पनि भुलेर पब्जी खेललाई प्राथमिक्ता दिई रहेको भिडियोले अहिले समाजिक सञ्जालमा गरम मसला बनेको छ ।