प्रहरीले लागु औषध नाईट्रोभेट ट्याब्लेट र गाँजासहित तीन जनालाई वीरगञ्जबाट पक्राउ गरेको छ । मकवानपुरको राक्सिराङ गाउँपालिका १ बस्ने २० वर्षीया मार्था मोक्तान र सोही ठाँउका २४ वर्षीया सन्देश गोलेलाई पक्राउ गरिएको हो ।

दुवै जनालाई वीरगञ्जको मिलन चोकबाट चेकजाँच गर्ने क्रममा पक्राउ गरिएको प्रहरीले जनाएको छ ।

उनीहरुको साथबाट २० किलो गाँजा बरामद गरिएको छ ।

यस्तै वीरगञ्ज महानगरपालिका वडा नम्बर १० बस्ने २१ वर्षका रोशन कानुको साथबाट लागु औषध नाईट्रोभेट ट्याब्लेट ७५ पिस बरामद गरिएको प्रहरीले जनाएको छ।