नेपाल पत्रकार महासंघको प्रदेश नंबर ३ को महासचिवमा पत्रकार कृष्ण सारु मगर निर्बिरोध निर्वाचित भएका छन् । उनीसंगै उपाध्यक्ष सहित १३ जना निर्विरोध निर्वाचित भएका हुन् ।
गुगलपाटी अनलाईलनका अध्यक्ष मगर नेपाल पत्रकार महासंघ मकवानपुर शाखाका निवर्तमान सचिव पनि हुन् । महासचिवमा निर्वाचित भएपछि मगरले प्राप्त जिम्मेवारीलाई पत्रकारहरुको हक हितको पक्षमा सदुपयोग गर्ने बताए ।
आइतबारसम्म उम्मेद्वारी दर्ताको समय रहेकोमा १३ जना निर्विरोध भएको निर्वाचन अधिकृत धु्बप्रसाद चौँलागाईले बताए । १३ जना निर्वाचित भएपनि अध्यक्षमा भने प्रताप विष्ट र गिरिजाप्रसाद अधिकारीबिच प्रतिस्पर्धा हुने भएको छ । प्रेस चौतारी, प्रेस युनियन तथा प्रेस सेन्टरको साझा उम्मेद्वार बनेका पत्रकार महासंघका पुर्व केन्द्रीय सदस्य विष्ट तथा नेपाल पत्रकार महासंघ मकवानपुरका पुर्व उपाध्यक्ष अधिकारीबिच प्रतिस्पर्धा हुने भएको हो । यद्यपी भोलीसम्म उम्मेदवारी दाबी/बिरोधको समय रहेको छ ।
महासंघको अन्य निर्विरोध भएकाहरुमा उपाध्यक्षमा यदुनाथ गौतम, महिला उपाध्यक्षमा नानिमैया कार्की (सम्झना) रहेका छन् । प्रदेश अधिवेशनको मिति भने २२ गते निर्धारण गरिएको छ ।
निर्विरोध हुनेहरु :
उपाध्यक्ष : यदुनाथ गौतम
उपाध्यक्ष (महिला) : नानिमैया कार्की (सम्झना)
महासचिव : कृष्ण सारु मगर
खुला सचिव :  सुरेशप्रसाद हुँमगाइ
कोषाध्यक्ष : सिताराम अधिकारी
सदस्यहरु
कोमलचन्द्र भगत
मदन विश्वकर्मा
नानीमैया विष्ट
जानुका न्यौपाने
शर्मिला उप्रेती
बद्री नयाँघरे
इश्वर कुमार जोशी
जीवन श्रेष्ठ