अमेरिकाको कोलोराडो स्थित एसटीइएम विद्यालयको एक कक्षा कोठामा दुईजना प्रवेश गरि गोली चलाउँदा एक जना विद्यार्थीको मृत्यु भएको छ। आक्रमण गर्ने दुईजना विद्यार्थी पनि सोही विद्यालयका विद्यार्थी रहेको अनुमान गरिएको छ

डेनवर शहरको सो विद्यालयमा भएको घटनामा ८ जना विद्यार्थी घाइते भएको बताइएको छ। उनीहरुलाई उपचारका लागि स्थानीय अस्पताल लगिएको छ।

विद्यालयको कक्षाकोठामा गोली चलाएका दुईजनालाई प्रहरीले पक्राउ गरेको छ। उनीहरुबाट प्रहरीले स्वचालित हतियार फेला पारेको छ।

अमेरिकी विद्यलयहरुमा पटकपटक गोली चलेका घटनाहरु भइरहेका हुन्छन्। प्रहरीले घटनाबारे अनुसन्धान गरिरहेको छ।