हिमाल, पहाड, तराई–मधेश, नेपाली काँग्रेस एक महिने राष्ट्रिय जागरण अभियान काँग्रेस मकवानपुरले बृहत्त कार्यकर्ता भेला गरी सुरुवात गरेको छ । नेपाली काँग्रेस मकवानपुरले आज पार्टी कार्यालय हेटौंडामा जिल्लाभरका नेता कार्यकर्ता भेला गरेर अभियान सुरुवात गरेको हो ।

भेलालाई सम्बोधन गर्दै नेपाली काँग्रेसका नेता अर्जुननरसिंह केसीले काँग्रेसको गर्बिलो इतिहास रक्षाको लागि देशब्यापी अभियान सुरु गरिएको बताए । त्यसको लागि पार्टीका नेता कार्यकर्ताले जनताको घर घरमा गएर बर्तमान सरकारका गलत कार्य र काँग्रेसको अभियान बारे जानकारी गराउने उनले जानकारी दिए ।

जागरण अभियान अन्तर्गत भोली भातृ संस्थाका जिल्ला समितिहरुले आफ्नो बर्ग र मुद्धालाई समेटी कार्यक्रम गर्ने,वैशाख २७ गते शुभेच्छुक सस्थाहरुले आफ्ना पेशागत मुद्धाहरुलाई समेटेर कार्यक्रम गर्ने काँग्रेस मकवानपुरले जनाएको छ ।

त्यस्तै जेठ ३ गते कैलाश गाउँपालिका १० नामटार,जेठ ६ गते क्षेत्र नम्बर २ को थाहा नगरपालिका,जेठ ११ गते हेटौंडा उपमहानगरपालिका,जेठ १५ गते हेटौंडा १८ हर्नामाडी, जेठ १८ गते हेटौंडा ३ मा कार्यक्रम गर्ने काँग्रेस मकवानपुरका सभापति इन्द्र बानियाँले बताए ।