गुजरा नगरपालिकाको खतबैया टोलमा सडक निर्माणमा विवादको मौका छोपी अपरिचित समूहले सडक बनाउने एक निर्माण कम्पनीको एक्साभेटरमा आगजनी गरेका छन्।

एक्साभेटर सहरी विकास मन्त्रालयअन्तर्गत सहरी पूर्वाधार निर्माणको लागि रमणर सगरमाथा र सगुन जेभी कन्ट्रक्सनको थियो।

बिहीवार खतवैया टोलमा निर्माण क्रममा दुई पक्षबीच विवाद हुँदा सडक निर्माण कार्य रोकिएको थियो। सडकको काम रोकिएका बेला एक्साभेटमा आगो लगाएको प्रत्यक्षदर्शीले बताएका छन्। उक्त एक्साभेट पूर्ण रुपमा जलेको छ।

आगजनी गर्नेको खोजी भइरहेको रौतहट जिल्ला प्रहरी कार्यालयका डीएसपी नवीन कार्कीले बताए ।