एजेन्सी – इन्डियन प्रिमियर लिग आइपिएल को दोस्रो क्वालिफायर खेलमा दिल्ली क्यापिटल्सले नेपाली लेग स्पिनर सन्दीप लामिछानेलाई चेन्नई सुपर किंग्सँगको खेलमा पनि बेन्चमा राखेको छ ।

विशाखापट्नममा भएको टसमा दिल्लीले हारेर पहिला ब्याटिङ निम्तो पाएको छ । चेन्नईले टस जितेर पहिला बलिङ गर्ने निर्णय लिएको हो । दिल्लीले आजको खेलमा कुनै खेलाडी परिवर्तन गरेको छैन । सन्दीपले जारी आईपीएलमा ६ खेलमा ८ विकेट लिएका छन् ।

आजको विजेता टोली फाईनलमा प्रवेश गर्ने छ । मुम्बई चेन्नईलाई हराउँदै फाईनलमा पुगि सकेको छ । फाईनल आगमी आईतबार राजिभ गान्धी इन्टरनेशनल क्रिकेट स्टेडियममा हुने बताईएको छ । दिल्लीले एलिमिनेटर खेलमा हैदरावादलाई २ विकेटले पराजित गर्दै क्वालिफायर खेल्न लागेको हो । दिल्ली आजको खेलमा विजयी भए पहिलो पटक आईपीएलको फाईनलमा प्रवेश गर्ने छ । दिल्ली नयाँ इतिहास कोर्न आतुर देखिन्छ । चेन्नई भने पहिलो क्वालिफायरमा मुम्बईसँग ६ विकेटले पराजित भएपछि सोझैं फाईनलमा प्रवेश गर्ने अवसर गुमाएको हो ।

दिल्लीको प्लेइङ ः शिखर धवन, पृथ्वी शा, श्रेयस ऐर ऋषभ पन्त, कोलिन मुनरो, शेरफेन रदरफोर्ड, अक्षर पर्टेल, ट्रेन्ट बोल्ट, इशान्त शर्मा,अमित मिश्रा र किमो पल । स्रोत ः हाम्रो खेलकुद