अवैध लागूऔषध चरेससहित दुई जनालाई लागुऔषध नियन्त्रण ब्यूरो कोटेश्वरबाट खटिएको प्रहरीले पक्राउ गरेको छ ।

पक्राउ पर्नेहरुमा काठमाडौं महानगरपालिका-३ बस्ने ४३ वर्षीय राजु श्रेष्ठ र मकवानपुर थाहा नगरपालिका-८ बस्ने रेवा पुरी रहेका छन् ।

श्रेष्ठलाई लागूऔषध चरेश करिब ४.५ ग्रामसहित त्रिभुवन अन्तर्राष्ट्रिय विमानस्थलको आन्तरिक उडानको पार्किङ क्षेत्रबाट र पुरीलाई लागुऔषध चरेस करिब ३ सय ८० ग्रामसहित काठमाडौं महानगरपालिका-८ तिलगंगास्थित सडकबाट प्रहरीले पक्राउ गरेको हो ।

पक्राउ परेका श्रेष्ठले उक्त लागुऔषध आफूलाई पुरीले दिएको बताएपछि खोजी गर्ने क्रममा पुरीलाईसमेत प्रहरीले फेला पारी पक्राउ गरेको हो ।