प्रहरीलाई एक सय रुपैयाँ घूस दिन खोजेको आरोपमा राजकुमार लिम्बु झापामा पक्राउ परेका छन्।

पूर्व पश्चिम राजमार्ग अन्तर्गत झापाको मेचीनगर नगरपालिका १३ चारआली चोकमा सवारीसाधनका कागजपत्र चेक जाँच गर्ने क्रममा प्रहरीलाई १ सय रुपैयाँ घूस दिन खोज्ने उनलाई प्रहरीले पक्राउ गरेको जिल्ला प्रहरी कार्यालय झापाले जनाएको छ।

पश्चिमबाट पूर्वतर्फ जाँदै गरेको ना ३ ख ५७९६ नम्बरको ट्रकका चालकले सवारी चालक अनुमतिपत्रै बिना सो यातायातको साधन चलाएको ड्युटीमा रहेका प्रहरीले फेला पारेका थिए।

चालक लिम्बूलाई ईलाका प्रहरी कार्यालय धुलाबारीमा अनुसन्धानका लागि राखिएको प्रहरीले बताएको छ।