काभ्रे जिल्लाका दुईजना मृत अवस्थामा फेला परेका छन् । जिल्लाको रोशी गाउँपालिका १०, वाल्टिङमा बुधबार दुई जना मृत अवस्थामा भेटिएको हो ।

भाङ्गेटारमा खानेपानी मर्मतका लागि महाभारत गाउँपालिका टुनिबास गएका ५० वर्षका सञ्चरसिं लामा र ४० वर्षका नरबहादुर लामा मृत अवस्थामा भेटिएका जिल्ला प्रहरी कार्यालय काभ्रेका डीएसपी दीपक गिरीले जानकारी दिए ।

उनीहरुसँगै एउटा कुकुर पनि मृत भेटिएको प्रहरीले बताएको छ । मृतकको लुगा र शरीर डढेको अवस्थामा भेटिएको पनि डीएसपी गिरीले बताए । चट्याङले लागेको हुन सक्ने अनुमान गरिएको छ ।