प्रदेश तीनकी प्रदेश प्रमुख अनुराधा कोईरालाले मिस नेपाल २०१८ श्रृङ्खला खतिवडालाई सम्मान गरेकी छिन् ।
हेटौंडामा मंगलबार हेटौंडा लेडी जेसिजले आयोजना गरको कार्यक्रममा खतिवडालाई प्रदेश प्रमुख कोईरालाले सम्मान गरेकी हुन् ।सम्मान कार्यक्रममा बोल्दै कोईरालाले मिस नेपाल खतिवडालाई बालवालिका र महिलाको क्षेत्रमा काम गर्न सुझाव दिईन् । मिस नेपाल खतिवडाले आफु सामाजिक क्षेत्रमा क्रियाशिल हुने बताईन् ।
मिस नेपाल श्रंखला मकवानपुरका प्रतिनिधि सभा सदस्य विरोध खतिवडा र प्रदेश सभा सदस्य मुनु सिग्देलकी सुपुत्री हुन् । बुवा र आमाको राजनीतिक पृष्ठभूमि भएपनि आफू राजनीतिमा भने नलाग्ने मिस नेपाल खतिवडाले सो क्रममा बताएकी छन् । मकवानपुरे चेली खतिवडाले आफ्नो लक्ष् भनेको बिश्व सुन्दरी बन्नु नै रहेको बताइन् । कार्यक्रममा सांसद बिरोध खतिवडा,हेटौंडा उपमहानगरपालिकाकी उपमेयर मीना लामा लगायतले मिस नेपाल खतिवडाको स्वागत गरेका थिए ।