मकवानपुरको इन्द्रसरोवर गाउँपालिका वडा नम्बर ३ स्थित सिस्नेरीमा सवारी दुर्घटना हुदाँ एकको मुत्यु भएको छ भने दुईजना घाईते भएका छन् । बिरगंजबाट काठमाडौँ तर्फ जाँदै गरेको बा २० च ४२७९ नम्बरको बोलेरो डिआई सडकबाट करिब १ सय मिटर तल खस्दा दुर्घटना भएको हो ।

दुर्घटनामा परी १ जनाको मृत्यु छ । मृत्यु हुुनेमा भारतको मोतीहारी जिल्ला बस्ने बर्ष ४५ का कनैया साह रहेका छन् । उनको घटनास्थलमै मृत्यु भएको प्रहरीले पुष्टी गरेको छ ।

त्यसैगरी भीमफेदी गाउँपालिका वडा नम्बर ५ बस्ने बर्ष २० का महेश भुलन(चालक) र भारतको बेतीया बस्ने बर्ष २२ का कनैयाकुमार साह घाईते भएका छन् ।

प्रहरीका अनुसार बिहान साढेँ ३ बजे दुर्घटना भएको थियो । घाईतेहरुलाई उपचारको लागि बल्खु काठमाडौंस्थित बैध अस्पतालमा लगिएको छ ।