फिदिम–२, नेपालटारस्थित एक वर्कसपमा आगलागी हुँदा २२ लाख बराबरको क्षति भएको छ । शनिबार राति आगलागी भएको हो ।

आगलागीमा परी वर्कसपमा मर्मतका लागि राखिएका दुई वटा गाडि जलेर नष्ट भएका छन् । विद्युत चुहावटका कारण उक्त आगलागी हुन पुगेको प्रहरीले जनाएको छ । फिदिम–४, बस्ने दिपेन श्रेष्ठले सञ्चालन गरेको वर्कसपमा शनिबार मध्यराती आगलागि भएको हो ।

आगलागिका कारण वेल्डिङ गर्ने ग्याँस सिलिन्डर पड्किंदा स्थानीय त्रसित बनेका थिए । ठूलो आवाजका साथ सिलिन्डर पड्किँदा मानिसहरु अत्तालिएका थिए । आगलागिबाट कुनै मानविय क्षति नभए पनि वर्कसपमा कार्यरत तेह्रथुमको आठराई बस्ने सुनिल गहतराज घाइते भएका छन् ।