सर्लाहीमा एक महिलाको हत्या गरी फालिएको अवस्थामा शव फेला परेको छ । धनकौल गाउँपालिका वडा नम्बर ४ महिनाथपुरमा अन्दाजी २५ वर्षीया विवाहित महिलाको हत्या गरी फालिएको अवस्थामा बेवारिसे शव फेला परेको हो ।

मैनाथपुर बागमती बाँधदेखि पश्चिम सिसौघारीमा शव फेला परेको जिल्ला प्रहरी कार्यालय सर्लाहीले जनाएको छ । सिसौघारीमा महिलाका शव स्थानियले देखेपछि प्रहरीलाई खबर गरेको थियो ।

क्रिम र रातो रंगको साडी, ब्राउन रंगको चोलो लगाएको महिलाको पहिचान खुलेको छैन । घटना थप अनुसन्धान भईरहेको जिल्ला प्रहरी कार्यालयका प्रहरी नायव उपरीक्षक तथा प्रहरी प्रवक्ता प्रतित सिंह राठोरले जानकारी दिए । शव अहिले सर्लाही अस्पताल मलंगवाको शव गृहमा राखिएको प्रहरीले बताए ।