मकवानपुरको हेटौँडा उपमहानगरपालिका वडा नं। १, चौकीटोलबाट मानव बेचविखन तथा ओसारपसारमा संलग्न तीन जना पक्राउ परेका छन् ।

पक्राउ पर्नेहरुमा नुवाकोट कल्याणपुर गाउँपालिका–९ घर भई हाल भारतको कलकत्ता बस्ने २४ वर्षीया कविता भन्ने मनिका तामाङ, भारतको झारखण्ड राज्यको राँची बस्ने २६ वर्षीय अंशु साहु र सोही ठाउँ बस्ने २३ वर्षीय राजाराम महतो रहेका छन् ।

उनीहरुलाई जिल्ला प्रहरी कार्यलय मकवानपुरले माईती नेपाल र साना हातहरु नेपालको सहयोगमा यही जेठ १२ गते आईतबार दिउँसो साढे ५ बजेको समयमा पक्राउ गरेको हो ।

उनीहरुलाई सिता ९नाम परिवर्तन० र निर्मला ९नाम परिवर्तन० लाई प्रलोभन देखाउँदै काठमाडौंबाट वीरगञ्ज हुँदै भारत तर्फ लैजाँदै गरेको अवस्थामा फेला पारी पक्राउ गरिएको मकवानपुर प्रहरीले जनाएको छ ।

पक्राउ परेका उनीहरुलाई मानव बेचबिखन तथा ओसार पसार मुद्दामा मकवानपुर जिल्ला अदालतबाट म्याद थप गरी अनुसन्धान भइरहेको जिल्ला प्रहरी कार्यलय मकवानपुरले जनाएको छ ।