कैलालीस्थित भन्सार कार्यालय टीकापुरका एजेन्टका सहयोगी रामबहादुर साउद घुससहित पक्राउ परेका छन्। अख्तियार अनुसन्धान आयोगले साउदलाई १५ हजार घुससहित पक्राउ गरेको हो।

भारतबाट सामान ल्याउने नेपाली व्यापारीको पूर्ण भन्सार महसुल काटी सोको रसिद उपलब्ध गराई सकेपछि पनि उनले भन्सार छुट गराइ दिएको भनी सेवाग्राहीसँग घुस लिएका थिए।

उनलाई टीकापुर भन्सार कार्यालय खक्रौलाबाट नियन्त्रणमा लिइ अनुसन्धान भइरहेको अख्तियारका प्रवक्ता प्रदीपकुमार कोइरालाले जानकारी दिए।