हेटौंडा : ३ नम्बर प्रदेशको राजधानी हेटौंडा यो साता नक्कली चोरी देखि मोटरसाईकल चोरी सम्मको घटनाहरु घटेका छन् । विहिबार राती हेटौंडा बजारबाट ४ वटा मोटर साईकल चोरी भएको छ । जिल्ला प्रहरी कार्यालय मकवानपुरमा मोटरसाईकल चोरी भएको भन्दै ४ वटा निवेदन एकै दिन आएको छ ।
चोरी भएको मध्ये एउटा स्कुटर प्रहरी फेला पारी धनीलाई बुझाएको छ । विहिबार राती २ बजेको समयमा हराएको स्कुटर हेटौंडा १ मा फेला पारेको हो ।

बा ६४ प १२३५ (परिवर्तीत) नम्बरको स्कुटर फेला परेपछि प्रहरीले अनुसन्धान गर्दै जाँदा हेटौंडा ६ चौघडा ३१ को राजकुमार चौलागाईको ना ६३ प ७९३१ नम्बरको स्कुटर रहेको खुल्न आएको प्रहरीले जनाएको छ । स्कुटर धनीलाई आज स्कुटरको आवश्यक कागज पत्र सहित बुझाईएको जिल्ला प्रहरी कार्यालय मकवानपुरले जानकारी दिएको छ । अन्य मोटरसाईकलहरुको पनि खोजी कार्य तिव्र पारिएको प्रहरीले जनाएको छ ।