मकवानपुर हस्तकला संघको आयोजानमा ४५ दिने हाते कटाई तालिमको आज सम्पन्न भएको छ । हेटौंडाउपमहानगरपालिका र मकवानपुर उद्योग बाणिज्य संघको सहकार्यक्रमा कार्यक्रम भएको हो ।

कार्यक्रमका प्रमुख अतिथी हेटौंडा उपमहानगरपालिकाका मेयर हरिबहादुरमहतले तालिममा सिकेको सिपलाई ब्यबहारमा उतार्नका लागि आग्रह गरेका थिए ।कार्यक्रम मकवानपुर हस्तकला संघका अध्यक्ष ज्ञान भक्त लामाको सभाध्यक्षतामा भएको थियो ।  कार्यक्रममा मकवानपुर उद्योग बाणिज्यसंघका अध्यक्ष कृष्ण कटुवाल, उद्योग संघका प्रतिनिधि, तालिमका सहभागिहरु लगायतकाको सहभागिता रहेको थियो ।