विदेश पठाइदिन्छु भन्दै सातजनाबाट झण्डै १३ लाख रुपैयाँ ठगी गरेको अभियोगमा एक युवक पक्राउ परेका छन्।

तुलसीपुर उपमहानगरपालिका-११ बस्ने २६ वर्षीय शीतल रेग्मीलाई सातजना व्यक्तिबाट १२ लाख ९४ हजार रुपैयाँ ठगी गरेको अभियोगमा प्रहरीले पक्राउ गरेको हो।

रेग्मीले २०७५ साल साउन महिनादेखि विभिन्‍न मितिमा वेरोजगारहरुलाई दुवइ पठाइदिन्छु, कमाई राम्रो छ भन्दै १२ हजार ९४ हजार रुपैयाँ असुल गरेका गरेका थिए।

घोराही उपमहानगरपालिका-९ का मदनबहादुर वलीसहित सात जनाले प्रहरीमा उजुरी दिएपछि उनलाई पक्राउ गरिएको प्रहरी प्रबक्ता डिएसपी विनोदविक्रम शाहले बताए।

पक्राउ परेका रेग्मी बिरुद्ध मुलुकी फौजदारी कार्यविधि संहिता ऐन २०७४ को दफा १४ बमोजिम अदालतबाट ६ दिनको म्याद थप गरी अनुसन्धान प्रकृया अघि बढाइएको समेत प्रहरीले जानकारी दिएको छ।