काठमाडौँको कपनको एक घर र सोही घरमा रहेको मेडिकलमा लुटपाट भएको छ।

आइतबार बिहान बुढानिलकण्ठ नगरपालिका–११ कपनस्थित नाक्पु तामाङको घर र सोही घरमा रहेको दर्शन मेडिकलमा लुटपाट भएको हो। धारिलो हतियारसहित आएको ४-५ जनाको लुटरा समूहले करिब ८ लाख २८ हजार रुपैयाँ बराबरको धनमाल लुटपाट गरेको प्हरीले जनाएको छ।

परिवारका सदस्यहरुलाई घरभित्रै बन्धक बनाइ सो समूहले नगद ३ लाख ६३ हजार, सुनका गहना र मोबाइलहरु गरी ८ लाख २८ हजार रुपैयाँ बराबरको धनमाल लुटपाट गरेर फरार भएको प्रहरीले जनाएको छ।

प्रहरीले लुटपाटमा संलग्न फरार अभियुक्तहरुको खोजी र घटनाका सम्बन्धमा थप अनुसन्धान भइरहेको जनाएको छ।