क्रान्तिकारी युवा लिग संगठनका सम्पुर्ण युवाहरु हेटौडामा भेला भएका छन् । नेपालको प्रथम राष्ट्रिय सम्मेलनका लागि सो संगठन सम्बद्ध युवा देशभरबाट हेटौंडामा भेला भएका छन् । गर्मीले तातेको हेटौंडामा रातो पोशाकमा चर्का नारासहित युवाहरु सडकमा उर्लिएका हुन् ।

आजबाट हेटौंडामा सुरु हुने सम्मेलनका लागि संगठनले देशभरबाट प्रतिनिधिमूलक रुपमा आफ्ना कार्यकर्ताहरु हेटौंडा बोलाएको हो । राष्ट्रवादी नारा लगाउँदै युवाहरु संगठनको राष्ट्रिय सम्मेलन सफल बनाउन जुटेका हुन् ।

सम्मेलन उद्घाटनपूर्व करिब १ः३० बजेबाट हेटौंडामा रहेको बन विज्ञान अध्ययन संस्थानको गेटबाट र्याली सुरु भई सीमाचोक, बुद्धचोक मानसचोक, पारीजातपथ हुँदै र्याली कार्यक्रमस्थल कमलडाँडातर्फ गइरहेको छ । हेटौंडास्थित एक पार्टी प्यालेसमा हुन लागेको कार्यक्रमको नेपाल कम्युनिष्ट पार्टी (क्रान्तिकारी) माओवादीका महासचिव मोहन वैद्य ९किरण०ले उद्घाटन गर्ने कार्यक्रम रहेको जनाएको छ ।