वन तथा वातावरण मन्त्रालय,वातावरण विभागको आयोजना र सांस्कृतिक संस्थान काठमाडौंको सहकार्य र विकल्प मिडिया प्रालिको संयोजनमा अभियन्ता तथा कलाकार सहितको वातावरणीय सचेतना सम्बन्धी सांस्कृतिक कार्यक्रम तथा प्रस्तुती प्रदेश ३ को राजधानी हेटौंडामा हुने भएको छ ।
असार १२ गते विहिबार हेटौंडाको बुद्धचोकमा बृहत कार्यक्रम हुने कार्यक्रम संयोजक नारद प्रसाद खतिवडाले बताए ।

तथ्यमा आधारित भई नाटक, प्रहसन, भाषण तथा प्रस्तुती गरिने खतिवडाले बताए । प्रदेश १ को विराटनगर, प्रदेश २ को जनकपुरमा पनि कार्यक्रम हुने उनले बताएका छन्, । स्वच्छ वायु स्वस्थ जीवन भन्ने मुल नाराका साथ १२ गते हेटौंडाको बुद्धचोकमा कार्यक्रम हुने आयोजकले जनाएको छ ।

वन तथा वातावरण मन्त्रालय, वातावरण विभाग काठमाडौंको आयोजनामा हुन लागेको कार्यक्रमलाई सांस्कृतिक संस्थान काठमाडौंको सहकार्य र विकल्प मिडिया प्रालिको संयोजनमा कार्यक्रम हुने कार्यक्रम संयोजक नारद प्रसाद खतिवडाले बताए ।

कार्यक्रममा नाटक, प्रहसन, भाषण तथा प्रस्तुतीका साथै राष्ट्रिय स्तरका कलाकारहरुको बेजोड प्रस्तुती समेत हुने जनाईएको छ । हाँस्यकलाकार राजा राजेन्द्र, नारद खतिवडा, गायक धिरज राई, रोज मोक्तान, डिजराज पौडेल,रिता केसी, आभाष लाभ लगायतका कलाकारको प्रस्तुती हुने आयोजकले जनाएको छ ।