प्रहरीले मोरङको बेलबारी नगरपालिकाबाट प्रहरीलेल दुई जनालाई हतियारसहित पक्राउ गरेको छ।

आइतबार साँझ प्रहरीले बेलबारी नगरपालिका–४ बाट दुई थान पेस्तोल, म्याग्जिन ४ थान र १४ राउन्ड गोलीसहित दुई जनालाई पक्राउ गरेको हो। पक्राउ पर्नेमा मोरङकै सुन्दर हरैचा नगरपालिका–१२ बस्ने ४३ वर्षीय अशोक राई र कानेपोखरी गाउँपालिका–६ बस्ने ३४ वर्षीय कन्सा माझी रहेका छन्।

ईलाका प्रहरी कार्यालय बेलबारीबाट खटिएको प्रहरी टोलीले आइतबार राति सवारी जाँच जर्ने क्रममा को.१७.प. ४५८६ नम्बरको मोटरसाइकलमा सवार राई र माझीका साथबाट ती हितयार फेला परेको प्रहरीले जनाएको छ।

पक्राउ परेका दुबैजनालाई हिरासतमा लिइ आवश्यक अनुसन्धान अगाडि बढाएको प्रहरीले जनाएको छ।