स्पेनिस फुटबल क्लब रियल मड्रिडले महिला टिम पनि बनाउने भएको छ । प्रिमियरा डिभिजिन क्लब डिपोर्टिभो ताकोनको पूर्ण स्वामित्व लिने सम्बन्धी समहति भएपछि रियल मड्रिडको महिला टिम हुने निश्चित भएको हो ।

मड्रिडको क्लब ताकोन गएको सिजन शीर्ष डिभिजनमा बढुवा भएको थियो । अब उसले आउँदो सिजन रियल मड्रिडको मैदानमा प्रशिक्षण गर्ने भएको छ । ताकोनको नाम सन् २०१९–२० सिजनका लागि उही रहने छ ।

तर सन् २०२०–२१ को सिजनदेखि उसको नाम रियल मड्रिड नै हुनेछ । यस सम्बन्धी सम्झौतालाई रियल मड्रिडको बोर्ड बैठकले मंगलबार अनुमोदन गरेको हो । एथ्लेटिको मड्रिडले गएको तीन सिजनदेखि प्रिमियरा डिभिजनको उपाधि जित्दै आएको छ ।