देशभर सुई आतङ्क मच्चाउनेलाई प्रहरीले पक्राउ गरेको छ । महानगरीय प्रहरी परिसर काठमाडौंले बिहीबार राति १० बजे महाराजगन्जबाट उपत्यकामा उनलाई पक्राउ गरेको हो ।

रामेछाम घर भइ हाल महाराजगन्जमा रेस्टुरेन्ट चलाउने सन्तोष कार्कीलाई प्रहरीले विभिन्न यूवतीहरुलाई जथाभावी सूई घोच्दै हिाडेको आरोपमा पक्राउ गरेको हो।

उनले प्रारम्भिक बयानमा आफ्नो अपराध स्वीकार गरेको प्रहरी स्रोतले दाबी गरेको छ । उनले रमाइलोका लागि त्यस्तो गरेको बयान दिएका छन् ।

उनी ५ वर्ष दुबई बसेर फर्किएका व्यक्ति हुन् । प्रहरीले दिउँसो पत्रकार सम्मेलन गरी उनलाई सार्वजनिक गर्ने स्रोतले जानकारी दिएको छ ।