हेटौंडा उपमहानगरपालिका वडा नं १५ रातोमाटेस्थित दिव्य सेवा निकेतनको परिसरभित्र वृक्षारोपण गरिएको छ । जननेता मदन भण्डारीको ६८ औं जन्म जयन्तीको अवसरमा स्पोर्टस् एकेडेमी मकवानपुरको आयोजनामा शनिबार (आज) दिव्य सेवा निकेतनको परिसरभित्र वृक्षारोपण गरिएको हो ।

नेकपाका केन्द्रीय सदस्य केदार न्यौपानेको प्रमुख आतिथ्यतामा वृक्षारोपण गरिएको हो । कार्यक्रममा मदन भण्डारी फाउन्डेसनका केन्द्रीय सदस्य एवम् हेटौंडा उपमहानगरपालिका वडा नं ४ का अध्यक्ष नवीन सिग्देलको विशेष आतिथ्यता रहेको थियो ।

मदन भण्डारी स्पोर्टस् एकेडेमीमा आवद्ध युवाहरुले करिब एक सय वटा फलफुलको विरुवा रापेको सचिव आकाश अधिकारीले जानकारी दिए । आँप, लिच्ची,एभोकाडो लगायतका फलफुलका विरुवाहरु रोपिएको उनले बताए ।
कार्यक्रम मदन भण्डारी स्पोर्टस् एकेडेमी मकवानपुरका अध्यक्ष निरजसिंह ठकुरीको अध्यक्षतामा भएको हो ।