हेटौंडाः हेटौंडा जेसिजले पहिलो चोटी फुटसल प्रतियागिता गर्ने भएको छ । असार २० र २१ गते दुई दिन हेटौंडा जेसिज को आयोजनामा जिल्लामा पहिलो पटक खुल्ला फुटसल हुन लागेको हो। आज शनिबार हेटौंडामा पत्रकार भेटघाटको आयोजना गर्दै आयोजकले यस बारेमा जानकारी गराएको हो । हेटौंडा ४ कमलडाँडामा रहेको फुटसल ग्राउण्ड हुने उक्त प्रतियोगितामा हाल सम्म ११ टिमले नाम दर्ता गरिसकेको र मकवानपुर सहित काठमाडौं, चितवनका किरब २० टोलीको सहभागिता रहने प्रतियोगिता संयोजक विकेशलाल श्रेष्ठले बताए । प्रतियोगितामा प्रथम हुनेलाई ट्रफी,मेडल सहित नगद ५० हजार तथा दोस्रो हुनेले ट्रफी, मेडल सहित नगद २५ हजार प्राप्त गर्ने संयोजक श्रेष्ठले बताए। त्यसैगरी प्रतियोगितामा उत्कृष्ट हुने खेलाडीले नगद ५ हजार प्राप्त गर्ने आयोजकले जनाएको छ । प्रतियोगितामा सहभागी हुने टिमले दर्ता शुल्क ५ हजार तिर्नु पर्ने र टिम असार १७ गते सम्म दर्ता गर्न सकिने बताइएको छ ।