कपिलबस्तुबाट सन्धिखर्क जाँदै गरेको जिप अर्घाखाँचीको पर्यटकिय स्थल सुपादेउराली नजिकै दुर्घटना हुदाँ ३ जनाको मृत्यु भएको छ ।

लु १ ज १३२९ नम्बरको जिप सडकबाट खोल्सामा खसेर दुर्घटना भएको जिल्ला प्रहरी कार्यालय अर्घाखाँचीले जनाएको छ ।

११ जना सवार जिप सुपादेउरालीको मन्दिर र खाँचीखोला पुलकोबीचमा पल्टिएर खोलामा पुगेको बताएको छ ।

सन्धिखर्क आउँदै गरेको गाडी ब्याक भएको र पल्टिएर खोलामा पुगेको प्रत्यक्षदर्शी राष्ट्रिय बाणिज्य बैंकका कर्मचारी माधब घिमिरेले बताएका छन् ।

घटनास्थलमा प्रहरी पुगेको छ तर गाडी खोलामा पुगेकाले उद्दारकार्यमा कठीनाई भएको प्रहरीले बताएको छ । जिप कृष्णनगर यातायातको हो । घाईतेहरुलाई उपचारको लागि बुटवल ल्याउदै गरिएको प्रहरीले जनाएको छ।