म्याग्दीमा खोलाले बगाएर दुई बालक बेपत्ता भएका छन्। बेनी नगरपालिका ३ दुधेखोलास्थित म्याग्दी नदीमा खेल्ने क्रममा बेपत्ता भएका उनीहरुको खोजी भए पनि नभेटिएको प्रहरीले बताएको छ।

बेनी नगरपालिका ३ भकिम्ली हलेगौडाका ८ वर्षीय प्रदीप रोका र बागलुङ घर भएर हाल बेनपा ३ दुधेखोलामा डेरा गरि बस्ने डम्बर काउचाका ९ वर्षीया छोरा डेविड काउचा बेपत्ता भएको प्रनाउ महेन्द्रप्रसाद मरासीले जानकारी दिए।

मंगलबार साँझ बेपत्ता भएका उनीहरुको बुधबार अपराह्नसम्म नेपाल प्रहरी, सशस्त्र प्रहरी र नेपाली सेना र आफन्तले खोजी कार्य जारी राखेका छन्।