अहिले संसदमा विधेयक लैजाने तयारी गर्दा नै विपक्षी र सरोकारवालको छटपट सुरु हुने गरेको उल्लेख गर्दै मन्त्री ढकालले यो कार्य जनादेश विपरित भएको बताए । सर्वसाधारण नागरिकले कानुन नबुझ्दा यस्तो समस्या भएको उनको भनाइ थियो । ‘यहाँ अर्थ, गृह र विकास निर्माण सम्बन्धी मन्त्रालय मातहत हुने क्रियाकलापबारे सर्वसाधारण विज्ञ छन्,’ उनले भने, ‘कानुनका विषयमा पहिलादेखि नै कम चासो राख्ने गरिएकाले अहिले विधेयकबारे विवाद बढ्यो ।’ मौलिक हक सम्बन्धी विभिन्न १६ वटा कानुन बनेका र अबुझका कारण ती कानुन कार्यान्वयनमा समस्या भएको ढकालको भनाइ थियो । स्रोत : कान्तिपुरदैनिक