आफनै आमाको हत्या आरोपमा पक्राउ परेका एक जनालाई प्रहरीले सार्वजनिक गरेको छ।

सप्तरीको सुरुङ्गा नगरपालिका १, चहकाका रिठ्ठे भन्ने जंगबहादुर पुलामी मगरलाई प्रहरीले शुक्रबार सार्वजक गरेको हो।

बिहीबार साँझ घटनास्थलबाटै पक्राउ परेका जंगबहादुरलाई जिल्ला प्रहरी कार्यालय सप्तरीले पत्रकार सम्मेलनमार्फत् सार्वजनिक गरेको हो।

जंगबहादुरले आमा ६५ वर्षीया धनमायाको हत्या गरेको प्रारम्भिक अनुसन्धानबाट देखिएको जिल्ला प्रहरी कार्यालय सप्तरीका डिएसपी भावेश रिमालले जानकारी दिए।

रिस थाम्न नसकेर उनले आमाको हत्या गरेको प्रहरीको भनाइ छ।

मृतकको गर्धन तथा अनुहारमा खुकुरीको चोट देखिएको उनले बताए।

सप्तरी जिल्ला अदालतबाट म्याद थप गरी घटनाको थप अनुसन्धान भइरहेको प्रहरीले जनाएको छ।