साढे ३३ केजी सुन गायब एवं सनम शाक्य हत्या प्रकरणमा महानगरीय अपराध महाशाखाका तत्कालीन प्रमुख एसएसपी दिवेश लोहनी पक्राउ परेका छन् ।

मोरङ प्रहरीको पत्रका आधारमा मंगलबार जिल्ला प्रहरी कार्यालय मोरङमा हाजिर भएका लोहनीलाई बुधबार पक्राउ पुर्जी थमाइएको हो ।

महाशाखामा उनको कमाण्डमा रहेका डिएसपी प्रजित केसी र सई बालकृष्ण सञ्जेल यसअघि नै पक्राउ परिसकेका छन् ।मकवानपुरका तत्कालिन प्रहरी उपरीक्षक बिकास खनाललाई भने बुधबार नै जिल्ला अदालत मोरंगमा पेश गर्ने तयारी भएको छ । उनी बिरुद्ध कर्तब्य ज्यान र सांगठिक अपराध बिरुद्ध मुद्दा दर्ता भएको छ ।