अवैध लागुऔषध सहित हेटौंडामा दुईजना पक्राउ परेका छन् । प्रहरीले बारा जितपुर सिमरा उपमहानगरपालिका–१७, रामनगर बस्ने ४० वर्षीय टिकाराम सार्की र सोही ठाउँका ४५ वर्षीय तारा बहादुर पक्राउ गरेको हो ।

पथलैयाबाट हेटौंडातर्फ आउदै गरेको ना १४ प ३२४५ नम्बरको मोटरसाईकल चेकजाँच गर्ने क्रममा मोटरसाईमा सवार भुजेलले पछाडीभिर्ने झोलामा लुकाई छिपाई ल्याउँदै गरेको लागुऔषध वानरेक्स एक सय एम.एल. को १०० बोतल फेला परेपछि उनीहरु दुबैलाई पक्राउ गरेको प्रहरीले जनाएको छ ।

ईलाका प्रहरी कार्यालय पशुपतिनगर मकवानपुरबाट प्रहरी निरिक्षक अरुण कुमार कुशवाहाको कमाण्डमा खटिएको प्रहरी टोलीले मकवानपुरको हेटौंडा उपमहानगरपालिका वडा नम्बर १५ स्थित पिपल चौतारीबाट आज (बुधबार) बिहान ८ बजेर ४५ मिनेटको समयमा लागुऔषध सहित पक्राउ परेको प्रहरीले जनाएको छ ।
प्रहरीका अनुसार, घटनाको विषयमा थप अनुसन्धान भइरहेको छ ।