मकवानपुरको मनहरी गाउँपालिका वडा नम्बर ९ रजैयामा राप्तिखोला बगरमा प्रहरी र गाँजा तस्करबीच फायरिङ भएको छ ।

लागुऔषध ओसारपसारमा संलग्न एवं प्रहरीलाई ताकेर गोली हान्ने राक्सिराङ गाउँपालिका वडा नम्बर ९ का कुमार स्याङतानलाई जिल्ला प्रहरीले पक्राउ गरेको छ ।  शनिबार राति गाँजा बोकेको ५/ ६ जनाको समूह र प्रहरीबीच फायरिङ भएको स्रोतले जनाएको छ ।

आज राति २ बजे मकवानपुरको मनहरी गाउँपालिका वडा नम्बर ९ रजैया हुँदै लागुऔषध जाँजा ओसारपसार गरिरहेको अवस्थामा प्रहरीले स्थाङतानलाई पक्राउ गरेको थियो । स्याङतानले प्रहरीललाई ताकेर गोली समेत हानेका थिए । उ

प्रहरीले स्याङतानको साथबाट कटुवा पेस्तोल १ थान सो भित्र लोड भई फायर भएको खोका १ थान, लाइभ राउण्ड ५ थान र लागुऔषध गाँजा ३१ केजी समेत बरामद गरेको हो ।