प्रहरीले पूर्वाराष्ट्रिय फुटबल खेलाडी निराजन रायमाझीकी श्रीमतीलाई पक्राउ गरेको छ।

महानगरीय प्रहरी परिसर काठमाडौंको टोलीले शनिवार ३८ वर्षीय संगीता रायमाझीलाई नियन्त्रणमा लिएको हो। बैदेशिक रोजगारीको क्रममा ठगी गरेको उजुरी परेपछि नियन्त्रणमा लिएको परिसरका डिएसपी होविन्द्र बोगटीले जानकारी दिए।

रायमाझी गत असार ३१ गते मात्र ठगी मुद्दामा छ महिना जेल सजाय भुक्तान गरेर निस्किएकी थिइन्। उनीबिरुद्ध १ करोड ३७ लाख रुपैयाँ ठगी गरेको उजुरी रहेको डिएसपी बोगटीले बताए।