पूर्वपश्चिम राजमार्गमा सोमबार राति ११ बजे बिग्रिएको एनएलओआइडी ८०३१ नम्बरको मालवाहक १८ चक्के भारतीय नम्बर प्लेटको कन्टेनरलाई क्रेनको सहायताले हेटौंडातर्फ ल्याउने क्रममा अनियन्त्रित भई दुर्घटना भयो ।

विग्रेको कन्टेनर ल्याउँदा खासै ठुलो खतरा नरहेको भन्दै सवारी साधनहरु चलिरहेका थिए । तर अचानक कन्टेनर अनियन्त्रित भयो जसले चुरियामाईमा आकस्मिक रुपमा ठुलो दुर्घटना निम्त्यायो ।

यसैविच भारतीय मालवाहक कन्टेनरले थिचेर मृत्यु हुनेको पहिचान खुलेको छ । लामसुरे बस्दै आएका हेटौंडा–३ बसामाडीका अटो चालक सुजनकुमार ढकाल मृत्यु भएको पुष्टि भएको हो  । मृत्यु हुने अर्का मोटरसाइकल चालकको पहिचान अझै खुलेको छैन ।

दुर्घटनामा ५ जना घाइतेको हेटौंडाको चुरेहिल अस्पताल   उपचार भइरहेको छ भने ३ जनाको सामान्य उपचार भएर फर्केका छन् ।कन्टेनरलाई तानेर ल्याउने क्रममा ५ भन्दा धेरै सवारी साधनमा क्षति भएको छ ।