प्रहरी प्रधान कार्यालयले प्रहरी निरीक्षक सरुवाका क्रममा मकवानपुरका ५ जना इन्स्पेक्टरको पनि सरुवा भएका छन् ।

वडा प्रहरी कार्यालय हेटौँडाका प्रहरी निरीक्षक सन्तोष श्रेष्ठको प्रहरी प्रधान कार्यालय, अपराध अनुसन्धान विभाग नक्सालमा, इलाका प्रहरी कार्यालय भीमफेदीमा सन्तबहादुर लामाको महानगरीय प्रहरी बृत्त जनसेवा काठमाण्डौंमा सरुवा भएका हुन् ।

त्यस्तै इलाका प्रहरी कार्यालय ठिंगनका प्रहरी निरीक्षक सागरविक्रम राणाको महानगरीय प्रहरी परिसर ललितपुरमा, इलाका प्रहरी कार्यालय मनहरीका विरेन्द्र पनेरुको महानगरीय प्रहरी परिसर ललितपुरमा र जिल्ला प्रहरी कार्यालय मकवानपुरमा कार्यरत अनिष बुढाथोकीको प्रहरी प्रधान कार्यालय, अपराध अनुसन्धान विभाग नक्सालमा सरुवा भएका हुन् ।

उनीहरुको सरुवा भएसँगै मकवानपुरमा ४ इन्स्पेक्टर नयाँ आउने भएका छन् । वडा प्रहरी कार्यालय हेटौँडामा ईश्वरीप्रसाद भण्डारी, इलाका प्रहरी कार्यालय भीमफेदीमा रामबालक राय, इलाका प्रहरी कार्यालय ठिंगनमा अमरप्रसाद गजमेर र इलाका प्रहरी कार्यालय मनहरीमा श्रीशंकर श्रेष्ठ आउने भएका हुन् ।