खोलाले बगाउँदा शुक्रबार एक बालकको मृत्यु भएको छ । जिल्ला प्रहरी कार्यालयका प्रवक्ता प्रहरी नायव उपरीक्षक (डिएसपी) एकनारायण कोइरालाका अनुसार चितवन कालिका नगरपालिका–१० घर भइ वडा नं. ९ मा डेरा गरी बसेका विकास चेपाङका ६ वर्षीय छोरा सन्देशको कयर खोलामा बगेर मृत्यु भएको हो ।

आमा लुगा धुन खोलामा गएका बेलामा बालक पनि सँगै गएका थिए । नुहाउने क्रममा बालकलाई खोलाले बगाएको र कालिका–८ को खोला किनारमा शव फेला परेको प्रहरीले जनाएको छ ।