हेटौंडाः हेटौंडाकी डान्सर सन्ध्या आचार्य नेपाल टेलिभिजनको छमछमी सिजन ४ को उत्कृष्ट १२ भित्र परेकी छिन् । छनौट चरण देखि नै उत्कृष्ट नृत्य कला प्रस्तुत गर्दै आएकी आचार्यको अबको यात्रा भोटीङबाट सुरु हुनेछ ।
उनको नृत्यलाई मन पराउनेले उनलाई भोट गर्न अगष्ट ३ अर्थात १८ शनिबार देखि खुल्ला हुनेछ । शनिबार देखि उनलाई एस.एम.एसबाट भोट गर्न मिल्छ । उनलाई भोट गर्न मोबाईलको मेसेज बक्समा गएर CC लेखी एक स्पेश छोडेर उनको भोटिङ कोड ०८ लेखि ३१००९ मा पठाउनुपर्ने हुन्छ । मकवानपुर बहुमुखी क्याम्पसमा अध्ययनरत उनी राम्रो एथलेटिक खेलाडी समेत हुन । टप १२ बाट भोटिङको माध्यमबाट एक जना हट्दै अगाडी बढ्न अब टप ११ छानिने भएको छ । सन्ध्या आचार्य छमछमी सिजन ४ की उपाधीको होडमा हेटौंडाबाट एकमात्रै दाबेदार हुन् । उनलाई शनिबारबाट ५ दिन भोट गर्न मिल्ने छ । आचार्यले आफुले धेरै मिहेनत गरेकोले उत्कृष्ट प्रदर्शन गर्ने विश्वास व्यक्त गर्दे हेटौंडाको नाम राख्ने बताईन् । उनले भोट गरेर सहयोग गर्नुहुन सबैलाई आग्रह गरेकी छिन् ।