पूर्वपश्चिम राजमार्ग अन्तरगत हेटौँडा–३ बसामाडि लेवटमा बुधबार साँझ भएको सवारी दुर्घटनामा एक जनाको मृत्यु भएको छ ।
मृत्यु हुनेमा मोटरसाइकलमा सवार स्थानीय २० बर्षीय सौरभ सुवेदीको मृत्यु भएको हो । दुर्घटनामा मोटरसाइकलमै सवार सोही ठाउँका १८ बर्षीय अस्मित सुनार गम्भिर घाइते भएका छन् । उनको चुरेहिल हस्पिटलमा उपचार भईरहेको जिल्ला प्रहरी कार्यालय मकवानपुरका प्रहरी प्रवक्ता यज्ञ प्रसाद भटराईले जानकारी दिए ।
चितवनबाट हेटौँडातर्फ आउँदै गरेको ना६ख १५०० नम्बरको ट्रक र हेटौँडाबाट बसामाडितर्फ जाँदै गरेको ना३८प ५३३२ नम्बरको मोटरसाइकल एक आपसमा ठक्कर खाँदा दुईजना घाइते भएका थिए । दुबैलाई उपचारका लागि चुरेहिल हस्पिटलमा ल्याएकोमा उपचारको क्रममा सुवेदीको मृत्यु भएको प्रहरीले जनाएको छ । ठक्कर दिने ट्रक र चालक प्रहरी नियन्त्रणमा रहेको जनाईएको छ ।