केबुल तथा इन्टरनेट सेवा प्रदायक संस्था सुबिसुको बालुवाटारस्थित कार्यालयमा लागेको आगो नियन्त्रणमा आएको छ । यद्यपि आगलागीबाट भएको क्षतिको यकिन विवरण आइसकेको छैन ।

काठमाडौं महानगरपालिका, त्रिभुवन विमानस्थल, नेपाल प्रहरी, सशस्त्र प्रहरी र सेनाका दमकलको सहायतामा आगो नियन्त्रणमा लिइएको महानगरीय प्रहरी परिसर काठमाडौंका डीएसपी होबिन्द्र बोगटीले जानकारी दिए ।

आगो लगभग नियन्त्रणमा आएको छ, डीएसपी बोगटीले लोकान्तरसँग भने, क्षतिको विवरण भने आइसकेको छैन ।

उनले आगो फ्यूलबाट सल्किएको जस्तो देखिए पनि खास कारण खुल्न बाँकी रहेको बताए ।

ुआगो जेनेरेटरमा राखेको तेलबाट लागेको हुनसक्छ, किन भने फ्यूलबाट सल्किएको आगो निभाउन गाह्रो हुन्छ, डीएसपी बोगटीले भने, यद्यपि खास कारण भने खुलिसकेको छैन ।

घटनास्थलमा नेपाल प्रहरी तथा सशस्त्र प्रहरीको विपद् व्यवस्थापन टोली पनि खटिएको उनले बताए ।

आगो पूर्ण रूपमा नियन्त्रणमा लिगन डेढ घण्टाभन्दा बढी समय लागेको थियो । ठूलै क्षति भएको आशंक गरिए पनि यकिन विवरण भने आइसकेको छैन ।