मकवानपुरको राक्सिराङ गाउँपालिकामा वडा नम्वर ८मा आइतबार चटयाङ लागेर १ जनाको मृत्यु भएको छ भने अर्का एकजना घाइते भएका छन् ।
चट्याङ लागेर राक्सिराङ गाउँपालिका – ८ का गोपाल थिङकी ४५ बर्षिया श्रीमती कान्छीमाया थिङको मुत्यु भएको जिल्ला प्रहरी कार्यालय मकवानपुरका निम्ति प्रहरी प्रवक्ता प्रहरी निरीक्षक पवन कुमार झाले जानकारी दिए ।
घरछेउको बारीमा काम गरिरहेको अबस्थामा थिङलाई चटयाङ लागेको थियो । यस्तै चटयाङ लागेर घाइते हुने राक्सिराङ गाउँपालिका – ८ बस्ने ३२ बर्षीया सुस्मिता मोक्तान रहेकोे जिल्ला प्रहरी कार्यालय मकवानपुरले जनाएको छ ।घटना स्थल दुर्गम भएकाले ईलाका प्रहरी कार्यालय मनहरीबाट प्रहरी टोली घटनास्थलतर्फ गइसकेको र प्रहरी पुग्न समय लाग्ने वताईएको छ ।