पोर्चुगलका स्टार फुटबलर क्रिष्टियोना रोनाल्डोले कहिलेबाट खेल्न छाड्ने भन्ने अनिश्चित रहेको बताएका छन् । आफ्नो सन्यास घोषणा अर्को वर्षै पनि हुनसक्ने, ४० वर्षको उमेरसम्म पनि खेल्नसक्ने उनको भनाइ छ ।

३४ वर्षीय रोनाल्डोले गत सिजन युभेन्टसका लागि ४३ खेलमा २८ गोल गरे । पाँच पटकका बालोन डि’ओर विजेता रोनाल्डोले ‘टेलिभिजन इन्टिलिजेन्ट’सँग भने, ‘अर्को वर्ष छाड्न पनि सक्छु ‘,तर ४०र४१ वर्षसम्म खेल्न सक्छु ।’

रोनाल्डोले म्यानचेष्टर युनाटेडबाट एक र रियल मड्रिडबाट गरी पाँच पटक च्याम्पियन्स लिग जितेका छन् । तीन प्रिमियर लिग, दुई ला लिगा र एक सिरी ए पनि जितेका छन् ।