हेटौंडा :  मकवानपुर प्रहरीले विहिबार लागूऔषधसहित एक जनालाई पक्राउ गरेको छ । दोलखाको बैदेश्वर गाउँपालिका–१ बस्ने १९ वर्षीय पासाङ लामालाई ईलाका प्रहरी कार्यालय भिमफेदी मकवानपुरबाट खटिएको प्रहरी टोलिले भीमफेदी गाउँपालिका–६ स्थित सडक खण्डबाट पक्राउ गरेको हो । बिरगंज तर्फबाट काठमाण्डौ तर्फ जाँदै गरेको ना १ ज ५५२३ नम्बरको यात्रुवाहक सुमोबाट लामालाई लागूऔषध फेनारगन ५० एम्पुल, नुफिन ५० एम्पुल, डाईजेल्याब ५० एम्पुल सहित पक्राउ गरेको हो । लामा माथि थप अनुसन्धान भईरहेको जिल्ला प्रहरी कार्यालय मकवानपुरले जनाएको छ ।