जिल्ला प्रहरी कार्यालय, मकवानपुरले अवैध रुपमा नदिजन्य पदार्थ ढुवानी गर्ने ट्याक्टर नियन्त्रणमा लिएको छ ।

बिहीबार प्रहरी चौकी भैंसे र प्रहरी चौकी ठूलोदमारबाट खटिएको प्रहरी टोलीले अवैध रुपमा नदिजन्य पदार्थ ढूङ्गा लोड गर्दै गरेको ४ वटा ट्याक्टर नियन्त्रणमा लिएको हो ।

प्रहरी चौकी भैसेले भिमफेदी गाउँपालिका–१ सानटार स्थितको खोलाबाट ना ५ त ७०४५ नम्बरको ट्याक्टर, प्रहरी चौकी ठुलोदमारबाट खटिएको टोलीले हेटौंडा उपमहानगरपालिका–१८ खहरे खोला स्थितमा ना।६ त ५३८६, ना ४ त ८०८२ र एक अनटेस्ट ट्याक्टरलाई नियन्त्रणमा लिएको हो ।

नियन्त्रणमा लिई जिल्ला प्रहरी कार्यालय मकवानपुरमा ल्याईएको उक्त ट्याक्टरहरु आवश्यक कारवाहीको लागि जिल्ला समन्वय समितिको कार्यालय मकवानपुरमा पठाउने कार्य भईरहेको प्रहरीले जनाएको छ ।