मकवानपुरको हेटौँडा उपमहानगरपालिका वडा नं। ९ मा भोली अर्थात असोज ७ गते मंगलबारदेखि टोल विकास संस्था स्तरीय सेभेन ए सईड फुटबल प्रतियोगिता संचालन हुने भएको छ ।

नजिकिँदै गरेको चार्ड विजया दशमी, शुभ दिपावली र छठ पर्वलाई लक्षित गर्दै मकवानपुर बेरोजगार युवा संगठन र टोलविकास संस्था वडा समन्वय समितिको संयुक्त आयोजनामा तथा वडा न. ९ को सह–आयोजनामा फुलबल प्रतियोगिता संचालन गर्न लागेको बेरोजगार युवा संघ मकवानपुरका अध्यक्ष सुरेश बेरोजगारले जानकारी दिए ।

हेटौंडा औधोगिक क्षेत्रको खेल मैदानमा सञ्चालन हुने उक्त खेलमा २५ वटा टिमले सहभागी जनाउने आयोजकले जनाएको छ ।

आयोजकका अनुसार, उद्घाटन खेलमा धर्मपथ वंगलवामुखी टोल विकास संस्था र शान्ति चोक ए टोल विकास संस्थाबीच खेल हुनेछ ।

प्रतियोगिताको बिजेता र उपबिजेताले क्रमशः नगद २५ हजार र १५ हजार रुपैयाँ प्राप्त गर्नेछ ।

हेटौँडा उपमहानगरपालिकाका मेयर हरिबहादुर महतले भोली दिउँसो १ बजे खेलको उद्घाटन गर्ने आयोजकले जनाएको छ ।