हेटौंडाः जिल्ला प्रहरी कार्यालय मकवानपुरले १ सय २२ किलो लागु औषध गाँजा सहित एकजनालाई पक्राउ गरि आज आइतबार सार्वजनिक गरेको छ । प्रहरीले कार्यालय परिषर हेटौँडामा पत्रकार सम्मेलनको आयोजना गरि लागु औषध सहित पक्राउ परेका राक्सिराङ गाउँपालिका वडा नंबर १ का प्रकाश मोक्तानलाई सार्वजनिक गरेको हो ।
राक्सिराङ गाउँपालिका वडा नम्बर १ मा रहेको उनको घरबाटै लागुऔषध गाँजा बरामद गरिएको प्रहरीले पत्रकार सम्मेलनमा जानकारी दिएको हो । उनले आफ्नो घरमानै लागु औषध गाँजालाई लुकाएर राखेको भन्ने सूचना प्रहरीलाई आएपछि आफुहरुले गत कार्तिक १ गते उनको घरमा पुगेर खानतलासी गर्दा सो परिणामको गाँजा भेटिएको जिल्ला प्रहरी कार्यालय मकवानपुरका प्रमुख प्रहरी उपरिक्षक मुकेशकुमार सिंहले बताए ।