नेपाल भ्रमणको सिलसिलामा जनकपुरधाममा आज आउन लागेका भारतीय प्रधानमन्त्री नरेन्द्र मोदीको स्वागतका लागि जनकपुरमा जनसागर उर्लिएको छ । भारतीय प्रधानमन्त्री नरेन्द्र मोदीको अभिनन्दनस्थल जनकपुरको रंगभूमि मैदानमा बिहान साढे दश बजेसम्ममा करीब ३५ हजार मान्छे उपस्थित भइसकेका छन् ।
जनकपुर र वरिपरीबाट मानिसहरु पैदलै हिँडेर आइरहेका छन् भने अन्य जिल्लाबाट गाडीमा ल्याइएको छ । प्रदेश २ सरकारले यसअघि ५० हजार मानिस अभिनन्दनमा सहभागी हुने उल्लेख गरेको थियो ।
भर्खरै प्रधानमन्त्री केपी ओली पनि जनकपुर पुगेका छन् ।