मकवानपुरका युवा राजनीतिज्ञ एवम् व्यवसायी विकेशलाल श्रेष्ठले हेटौंडा जेसीजको आसन्न निर्वाचनमा उपाध्यक्ष पदको लागि उम्मेदवारी घोषणा गरेका छन् ।उनले जेसिजलाई अझै युवाहरु सामु लैजाने, र छविलाई अझै उच्च पार्न आफ्नो उम्मेद्वारी दिएको बताए ।

सन् २०२० को लागि आगामी पुस १९ र २० गते हुन लागेको जेसीजको वार्षिक साधारणसभा तथा निर्वाचनमा श्रेष्ठले उपाध्यक्षमा उम्मेदवारी दिने तयारी गरेका हुन् । सन् २०१८ मा जेसीजमा प्रवेश गरेका श्रेष्ठ हाल जेसीजको खेलकुद संयोजक भई भूमिका निर्वाह गरिरहेका छन् । समाजसेवामा समेत सक्रिय श्रेष्ठले युवाहरुको नेतृत्व र व्यक्तित्व विकास गर्दै सामाजिक काममा सक्रिय गराउन आफ्नो उम्मेदवारी रहेको बताए । आफूलाई उपाध्यक्षमा जिम्मेवारी प्रदान गरिए जेसीज युवाहरुबीच सकारात्मक सोचको विकास गराउँदै उनीहरुको उद्यमशीलताको विकासमा आफ्नो भूमिका रहने उनको भनाइ रहेको छ ।

युवाहरुलाई तालिम प्रदान गर्दै सामाजिक विकृतिविरुद्ध खरो रुपमा प्रस्तुत हुन आफू तयार रहेको उनले प्रतिवद्धता जनाए । सन् २०१८ मा जेसीजमा लागेका उनले सबैलाई समेटेर युवाहरुको हकहितमा अघि बढ्ने प्रतिबद्धता समेत व्यक्त गरे ।

श्रेष्ठ मल्टिभिजन क्लवका अध्यक्ष, मकवानपुर जिल्ला फुटबल संघका सदस्य, सुमन भोम्जन स्मृति प्रतिष्ठानको सदस्यलगायतका अन्य सामाजिक संघसंस्थाहरुमा पनि श्रेष्ठको सक्रिय सहभागिता रहेको छ ।