हेटौंडा : राक्सिराङ गाउँपालिकामा आयोजकको प्राविधिक कारणले स्थगित भएको वडास्तरिय फुटबल प्रतियोगिता मंगलबारबाट सुरु भएको छ । मंगलबार भएको पहिलो खेलमा वडा नम्बर १ र ४ बिच प्रतिस्पर्धा भएको छ । वडा नम्बर ४ ले वडा नम्बर १ लाई ४–२ को गोल अन्तरले पराजित गरेको छ । पहिलो खेलको म्यान अफ द म्याच वडा नम्बर ४ को इश्वर थिङ भएका छन । त्यस्तै मङगलबार नै भएको दोस्रो खेलमा वडा नम्बर ३ ले वडा नम्बर २ लाई ३–०  को गोलअन्तरले जित हासिल गरेको खेल प्रशिक्षक नरेन्द्र मोक्तानले बताए । 

प्रतियोगिताअन्तर्गत बुधबार पहिलो खेलमा वडा नम्बर ३–६ बिच , दोस्रो खेलमा वडा नम्बर ४ र ९ बिच प्रतिस्पर्धा हुने प्रशिक्षक मोक्तानले जनाएको छ ।

बुधबारबाट फाइनल खेल सुरु हुनेछ ।  प्रतियोगितामा प्रथम हुनेले दुई तोला सुन र ३० तोलाको चादीको ट्रफी नगद १ लाख, शिल्ड मेडल र प्रमाणपत्र प्राप्त गर्नेछ । दोस्रो हुनेले नगद ५० हजारसहित शिल्ड, मेडल र प्रमाणपत्र गर्नेछ ।